Eng Plaz ganz eleng fir d’Lizzie 

 

Beim Stoppchesspillen entdeckt d’Lizzie eng grouss, huel Hielennerheck.

Déi perfekt kleng Haip, wou keen si stéiere kéim an déi se ganz eleng fir sech hätt.

Séier leeft se hannescht bei de Bauerenhaff e puer Saache sichen, fir et sech gemittlech ënnert der Heck ze maachen.

 

Ma wéi se zeréckkënnt, hunn sech d’Pony an d’Geess schonn do breetgemaach.

Wéi gemeng! D’Lizzie hat d’Heck dach als Éischten entdeckt!

A wéi dunn och nach d’Hénger d’Heck a Beschlag huelen, ginn och d’Pony an

d’Geess motzeg. 

 

Vläicht kënne se d’Fiedervéi mat enger Monster-Héngerschreck-Maschinn verdreiwen?

ISBN : 978-9-9959-5655-4

Präis : 15,90 €

Vu 4 Joer un

D’Lizzie mécht Vakanz 

 

De Bréifdréier ass an d’Vakanz a schreift senge Frënn vun do eng Kaart.

 

„Ech wëll och an d’Vakanz“, denkt d’Lizzie, peekt hire Kuerf a mécht sech op de Wee, fir de Bus ze huelen.

 

Ma wéi no Stonnen ëmmer nach kee Bus kënnt, trappt d’Lizzie enttäuscht erëm op Heem zou.

 

No e puer Schrack entdeckt si dann awer déi perfekt Vakanzeplaz: eng grouss Wiss!

 

Wat een hei net alles kann entdecken!

ISBN : 978-9-9959-5615-8

Präis : 14,90 €

Vu 4 Joer un

D’Lizzie langweilt sech 

 

D’Lizzie wëll mat der Bauerefra mam Draach op d’Wiss spille goen.

Leider schëtt et dobausse wéi mat Eemeren an d’Lizzie muss sech dobanne beschäftegen.

 

Ma Gummitwist ass faul, wa keen nokuckt.

An de Puzzle huet ze vill gréng Stécker.

 

Et ass esouuuuuu langweileg! Bis d’Lizzie um Späicher eng Entdeckung mécht.

Ob et net awer nach e flotten Dag gëtt ?

ISBN : 978-9-9959-5619-6

Präis : 14,90 €

Vu 4 Joer un

D’Lizzie kann net schlofen

 

Bauerefra huet wéi all Owend den Déieren nach eng Geschicht virgelies.

Ma d’Lizzie kann duerno net aschlofen.

 

Soll se sech bei d’Bauerefra tässele goen oder vläicht bei d’Hénger?

Ma déi fannen dat guer net gutt.

 

Um Enn ass d’Bett futti , den Héngerstall ramponéiert an d’Déiere sinn alleguer wakereg.

ISBN : 978-9-9959-5620-2

Präis : 14,90 €

Vu 4 Joer un

D’Lizzie ass krank

 

Beim Sträiche mueres fillt d’Lizzie sech mackeg a midd.

Et ass hir wackeleg op de Been, am léifste géif se sech am Stréi verkrauchen!

E kloere Fall fir d’Bauerefra: D’Lizzie huet sech erkaalt!

 

Elo heescht et Wéckelen ëm d’Wueden, Féiwer moossen an Téi kachen.

Jee, de ganze Programm!

 

Wéi se esou gutt verwinnt gëtt vun hire Frënn, fënnt d’Lizzie, datt net alles esou schlecht ass, wann ee krank ass ...

ISBN : 978-9-9959-5616-5

Präis : 14,90 €

Vu 4 Joer un

HORAIRES

Mir sinn op méindes-freides 9:00-17:00

Du lundi au vendredi 9h00-17h00

ADRESS/ADRESSE

Rue de Koerich 68, 1-20

8437 Stengefort - Lëtzebuerg

T : +352 2 630 57 66

 

  • Noir Facebook Icône
  • Noir Icône Instagram

© 2020 par Perspektiv Editions. Créé avec Wix.com